На 20-01-2020 година Комисијата за хартии од вредност на Република Северна Македонија во рамките на својата едукативна функција како регулатор на пазарот на капитал беше домаќин на студентите од трета година на Факултетот за деловна економија и организациони науки при Универзитетот „Американ Колеџ„ од Скопје кои го презентираа семинарскиот труд “Подготовка на Проспект за издавање на корпоративна обврзница од страна на банка” но воедно и се запознаа со надлежноста на Комисијата. 

Од страна на вработените на Комисијата за хартии од вредност на Република Северна Македонија, семинарската работа подготвена од страна на студентите беше оценета како солидно структурирана и изработена. Во исто време, на оваа средба студентите подетално се запознаа со функцијата и со надлежностите на регулаторот на пазарот на хартии од вредност, како и со  работата на Стручната служба во рамки на Комисијата. Претставници на Стручната служба на Комисијата ги претставија задачите и одговорностите кои ги имаат во своето професионално спроведување на работните процеси кои произлегуваат од надлежностите и овластувања на Комисијата. Комисијата за хартии од вредност на Република Северна Македонија ќе остане фокусирана на ваквите активности, бидејќи истите се од клучно значење за поттикнување на поквалитетно образование за младата популација во нашата држава.