Вицешампионите на Европскиот квиз на парите во 2019 и 2020 година го пренесоа своето искуство на пријавените учесници на Европскиот квиз на парите за 2021 година
17.03.2021
Денес се одржа “online” средба на европските вицешампиони од минатите две години, Марко Инѓилизов, Викторија Панова и Христијан Антоновски и нивните ментори со пријавените тимови на учесници за натпреварот за оваа година. Вицешампионите и нивните ментори ги споделија нивните искуства од учеството на натпреварите од минатите години и одговараа на прашањата од учениците. Покрај тоа, учениците активно се вклучија во пополнување на анкетен прашалник за прашања од областа на нивните знаења и подготовки на натпреварот. Учесниците се запознаа и за функционалноста на електронската платформа „Кахут“ преку која ќе се реализира националниот натпревар на 24  март 2021 година, со која се реализираше и конкретна вежба за натпреварот, како подготовка за националниот натпревар.
Нашата земја по трет пат е дел од овој значаен проект организиран од  Македонската банкарска асоцијација, во соработка со Народната банка и Комисијата за хартии од вредност и со поддршка од Министерството за финансии и Министерството за образование и наука.
За националниот натпревар се пријавија вкупно 174 одделенија со над 400 ученици од 72 училишта од целата држава. Националните победници ќе ја претставуваат нашата земја на Европското финале на 20 април 2021 година.