Подзаконски акти

Oткако претходно беа на јавна расправа Комисијата за хартии од вредност на Република Македонија ги усвои следните подзаконски акти: 1. Правилникот за формата, содржината и начинот на водење на Регистар на единствена евиденција на прекршоците, изречените прекршочни санкции и донесените одлуки и Регистар на издадени прекршочни платни налози и начинот на пристап до информациите од Регистрите,. 2. Правилник за измена на Правилникот за содржината и начинот на водење на книгата на налози; 3. Правилник за начинот на потврдување на прифаќањето или одбивањето на налог за тргување со хартии од вредност; Исто така, КХВ разгледа неколку предлог правилници и истите ги стави на јавна расправа, со цел јавноста да ги каже своите забелешки во однос на подзаконските акти.Станува збор за: 1. Предлог правилник за изменување и дополнување на Правилникот формата и содржината на барањето за одобрување на приватна понуда на хартии од вредност; 2. Предлог правилник за изменување и дополнување на Правилникот формата и содржината на соопштението за одобрување на приватна понуда на хартии од вредност;

Преземање на ационерски друштва

Комисијата за хартии од вредност на Република Македонија на "Метал –Нет"ДОО увоз-извоз Куманово и на "Квалитет –Пром" ДООЕЛ Куманово им издаде дозвола да дадат заедничка понуда за преземање на "Агрокуманово" АД Куманово. Понудата за преземање се однесува на 14.798 обични акции со право на глас издадени од "Агрокуманово" АД Куманово. Преземачите се обврзуваат да ги откупат хартиите од вредност по цена од 2.190 денари, која е еднаква за сите акции на кои се однесува понудата. Најмалата количина на обичните акции кои треба да бидат откупени за понудата да биде успешна е 14.702 обични акции, што претставува 57,53 проценти од вкупниот број на обични акции. Имено, најнискиот процент од сите обични акции на "Агрокуманово" АД Куманово кои преземачите треба да ги стекнат заедно со хартиите од вредност кои веќе ги поседуваат треба да изнесува 99,62 проценти.

Регистар на акционерски друштва со посебни обврски за известување

Во декември, вкупно активни акционерски друштва беа 17. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза.

Дозволи за брокери

Комисијата за хартии од вредност на Република Македонија обнови две дозволи за работење со хартии од вредност и тоа на лицата: 1. Лидија Трајковиќ; 2. Биљана Стојановиќ;

Супервизорски активности

Комисијата за хартии од вредност на Република Македонија даде согласност за измените на Проспектот на отворениот инвестициски фонд КБ Публикум Паричен и на Статутот на отворениот инвестициски фонд КБ Публикум Паричен.

Спроведени контроли

Во декември , Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе три контроли од кои две редовни и една вонредна.

Активности по барања на акционери за заштита на нивните права

Секторот за супервизија на пазарот на капитал постапуваше по две барања за заштита на акционерско право.