Регистар на акционерски друштва со посебни обврски за известување

Во јануари, вкупно активни акционерски друштва беа 16. Исто така, КХВ донесе решение за бришење на АДГ Пелагонија Скопје од Регистарот поради стечај. Инаку, во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза.

Дозволи за брокери

Комисијата за хартии од вредност на Република Македонија обнови две дозволи за работење со хартии од вредност и тоа на лицата: 1.Велимир Шиповиќ 2.Јованче Тасковски

Дозволи за инвестициски советници

Во јануари,КХВ издаде издаде една лиценца за инвестициски советник и тоа на Миомир Алексовски.

Согласности на овластени учесници на пазарот на хартии од вредност

КХВ издаде две согласности за именување на директори на овластени учесници на пазарот на хартии од вредност и тоа: 1.Миомир Алексовски да биде именуван за в.д. директор на Дирекцијата за услуги со хартии од вредност при "Еуростандард банка" АД Скопје. 2.Васко Митев да биде именуван за директор на брокерската куќа "Илирика Инвестментс" АД Скопје со мандат од четири години.

Супервизорски активности

Комисијата за хартии од вредност на Република Македонија издаде дозвола за работење на Дирекција за услуги со хартии од вредност при "Еуростандард банка" АД Скопје, која ќе ги нуди сите услуги со хартии од вредност предвидени со Законот за хартии од вредност, од кои некои од нив досега ги вршеше "Поштел Брокер" АД Скопје.

Спроведени контроли

Во јануари , Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе две редовни контроли.