Подзаконски акти

Во февруари, Комисијата за хартии од вредност на Република Македонија разгледа неколку подзаконски акти и истите ги стави на јавна расправа се со цел јавноста да ги каже евентуалните забелешки и тоа: 1. Предлог-Правилник за изменување и дополнување на Правилникот за дополнителните информации кои треба да ги содржи барањето за издавање на дозвола за работење на брокерска куќа ; 2. Предлог Правилник за изменување и дополнување на Правилникот за начинот и условите за обука и полагање на посебен стручен испит за работење со хартии од вредност; 3. Предлог Правилник за изменување и дополнување на Правилникот за начинот и условите за обука и полагање на посебен стручен испит за инвестиционо советување; Исто така, во февруари, КХВ по завршена јавна расправа разгледа и усвои два подзаконски акти. Станува збор за: 1. Правилник за изменување и дополнување на Правилникот за формата и содржината на соопштението за издавање на хартии од вредност по пат на приватна понуда; 2. Правилник за изменување и дополнување на Правилникот за формата и содржината на барањето за одобрување на приватна понуда на хартии од вредност;

Решенија за емисии на акции

Комисијата за хартии од вредност на Република Македонија на Македонски железници ТРАНСПОРТ АД Скопје и даде одобрение да ја издаде третата емисија на 302.295 обични акции со непаричен влог и тоа по пат на приватна понуда. Вредноста на емисијата е 302.295.000 денари.

Регистар на акционерски друштва со посебни обврски за известување

Во февруари, вкупно активни акционерски друштва беа 16. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза.

Преземање на акционерски друштва

Комисијата за хартии од вредност на Република Македонија донесе Решение со кое се утврдува за успешна заедничката понуда за преземање на акции издадени од "Агрокуманово" АД Куманово, а дадена од "Метал –Нет"ДОО увоз-извоз Куманово и "Квалитет – Пром" ДООЕЛ Куманово. Врз основа на оваа понуда , преземачите се стекнаа со вкупно 14.702 обични акции и заедно со 10.756-те акции што веќе ги поседуваа, располагаат со вкупно 25.458 обични акции. Ова претставува учество од 99,62 проценти од вкупниот број на обични акции издадени од "Агрокуманово" АД Куманово. На овој начин "Метал –Нет"ДОО увоз-извоз Куманово и "Квалитет – Пром" ДООЕЛ Куманово го исполнија условот за најмалата количина на обични акции издадени од "Агрокуманово" АД Куманово која требаше да биде прифатена за понудата за преземање да се смета за успешна.

Спроведени контроли

Во февруари , Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе две вонредни контроли.

Активности по барања на акционери за заштита на нивните права

Секторот за супервизија на пазарот на капитал постапуваше по тринасет барања за заштита на акционерско право.