Регистар на акционерски друштва со посебни обврски за известување

Во април, вкупно активни акционерски друштва беа 14. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза.

Супервизорски активности

КХВ им даде согласност на брокерската куќа "Фершпед Брокер" АД Скопје и на "ТТК Банка" АД Скопје – Оддел за работа со хартии од вредност да ја прошират дозволата за работење со хартии од вредност со нова услуга. Тие ќе можат да вршат прием и пренос на налози за купување и за продавање хартии од вредност на странски пазари, со што ќе можат да се приклучат на регионалната платформа за тргување со хартии од вредност котирани на Бугарската, Загрепската и на Македонската берза.

Согласности на овластени учесници на пазарот на хартии од вредност

Комисијата за хартии од вредност на Република Македонија даде согласност Ѓорѓи Палевски да биде именуван за раководител на Дирекцијата за услуги со хартии од вредност на "Еуростандард банка" АД Скопје со мандат од пет години. Исто така, КХВ дозволи досегашните извршни директори на Друштвото за управување со инвестициски фондови "Иново Статус" АД Скопје, Миа Стефановска Зографска и Благој Митров да добијат уште по еден мандат од четири години.

Спроведени контроли

Во април , Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе една редовна контрола.

Активности по барања на акционери за заштита на нивните права

Секторот за супервизија на пазарот на капитал постапуваше по едно барање за заштита на акционерско право.