Извештај на Комисијата за хартии од вредност на Република Македонија (КХВ на РМ) за јули/август 2016
08.09.2016

ПОДЗАКОНСКИ АКТИ

     Комисијата за хартии од вредност на Република Македонија усвои нeколку Предлог Правилници кои претходно беа на  јавна расправа со цел јавноста да ги каже своите забелешки:

  1. Правилник за формата и содржината на барањето за добивање дозвола за понуда за преземање;
  2. Правилник за изменување и дополнување на Правилникот за содржината и начинот на водење на книгата на налози ;
  3.  Правилник за изменување и дополнување на Правилникот за начинот и постапката за давање на согласност за именување на директор на берза ;
  4. Правилник за изменување и дополнување на Правилникот за начинот и постапката на давање согласност за именување директор на овластено правно лице за вршење услуги со хартии од вредност;
  5.  Правилник за изменување и дополнување на Правилникот за начиниот и постапката за давање на согласност за именување на директор на депозитар за хартии од вредност;
  6. Правилник за изменување и дополнување на Правилникот за начинот постапката и потребната документација за добивање дозвола за работење на друштво за управување со инвестициски фондови ;

Решенија за емисии на хартии од вредност

    Комисијата за хартии од вредност на Република Македонија го одобри барањето на "Стопанска банка" АД Битола за издавање на прва емисија на корпоративни обврзници по пат на јавна понуда. Станува збор за 5.000.000 долгорочни должнички хартии од вредност со поединечна минимална продажна цена од 1 евро во денарска противвредност на денот на уплатата. Обврзницата што се издава е долгорочна со каматен принос, неограничено пренослива, во нематеријален облик и гласи на име. Вредноста на емисијата на обврзниците кои се предмет на јавната понуда е 5.000.000 евра и претставува 26,30% од основната главнина на "Стопанска банка" АД Битола. Емисијата на обврзници е заради зајакнување на капиталот и вкупниот финансиски потенцијал на банката со што "Стопанска банка" АД Битола планира да ги оствари бизнис целите утврдени со деловната политика за следниот четиригодишен период.

    Комисијата за хартии од вредност на Република Македонија на "Халк банка " АД Скопје ѝ ја одобри дванаесетта емисија на акции по пат на приватна понуда. Со дванаесетта емисија на акции, "Халк банка" АД Скопје ќе издаде 73.949 обични акции со номинална и продажна вредност од 10.000 денари по акција или со вкупен износ на емисијата од 739.490.000 денари. Зголемувањето на основната главнина со нови парични влогови се врши за познат купувач –институционалниот инвеститор "Turkiye Halk Bankasi Anonim Sirketi" од Република Турција. 

Регистар на акционерски друштва со посебни обврски за известување

​  Во јули и август , вкупно активни акционерски друштва беа 14. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза. 

Супервизорски активности

​КХВ донесе одлука по барањата на ДУИФ ВФП Фонд Менаџмент АД Скопје за изменување и дополнување на статутите, проспектите и скратената форма на проспектите  на ВФП Премиум Инвест и  на ВФП Кеш Депозит. 

Согласности за директори на овластени учесници на пазарот на хартии од вредност

​Комисијата за хартии од вредност на Република Македонија даде согласност Сашо Дракуловски и во наредните четири години да биде именуван за директор на брокерската куќа "Еурохаус" АД Скопје. Сашо Дракуловски и досега беше на оваа позиција. 

Дозволи за брокер

Комисијата за хартии од вредност на Република Македонија обнови една дозвола за работење на брокер и тоа на   Емилија Брљамова

Дозволи за инвестициски советници

КХВ издаде две  дозволи за работење на инвестиционен советник и тоа на Катерина Поповска и на Игор Бојковски. Исто така во јули и август, КХВ на Катерина Илиќ Нонкуловска и ја   обнови  лиценцата за инвестициски советник 

Спроведени контроли

Во јули и август  , Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе шест  контроли

Активности по барања на акционери за заштита на нивните права

​Секторот за супервизија на пазарот на капитал постапуваше по четири барања за заштита на акционерски права од кои едно од група акционери