Извештај на Комисијата за хартии од вредност на Република Македонија ( КХВ на РМ) за септември 2016 година
09.10.2016

ПОДЗАКОНСКИ АКТИ

    Комисијата за хартии од вредност на Република Македонија по завршена јавна расправа разгледа и усвои неколку подзаконски акти. И тоа:

1 Правилник за изменување и дополнување на Правилникот за формата и содржината на барањето за одобрување на приватна понуда на хартии од вредност;

2. Правилник за изменување и дополнување на Правилникот за документите што ги доставува издавачот на хартии од вредност при поднесување на барањето за одобрение за јавна понуда на хартии од вредност ;

3. Правилник за формата, содржината на барањето и потребната документација за добивање на дозвола за работење на инвестиционен советник  ;

4. Правилник за формата, содржината на барањето и потребната документација за добивање на дозвола за работење на брокер ;

5. Правилник за формата и содржината на барањето за давање согласност на статутот на инвестицискиот фонд и неговите измени и дополнувања;

6. Правилник за формата и содржината на барањето за добивање согласност на статутот на друштво за управување со инвестициски фондови и неговите измени и дополнувања;

7. Правилник за формата и содржината на барањето за одобрување на проспектот на инвестицискиот фонд и за секоја измена и дополнување на проспектот  ;

8. Правилник за изменување на Правилникот за начинот, постапката и потребната документација за добивање на дозвола за основање на продружница на странско друштво за управување со инвестициски фондови во Република Македонија;

9. Правилник за изменување и дополнување на Правилникот за дополнителни информации кои треба да ги содржи барањето за издавање на дозвола за работење на брокерска куќа ;

10. Правилник за изменување и дополнување на Правилникот за потребна документација која се приложува како доказ за исполнување на условите за именување на членови на управниот одбор односно извршни членови на одборот на директори на друштво за управување со инвестициски фондови ;

11. Правилник за изменување и дополнување на Правилникот за постапката за обновување на дозволата за работење на брокер;

12. Правилник за изменување и дополнување на Правилникот за потребната документација за добивање согласност за стекнување на квалификувано учество во друштвото за управување со инвестициски фондови;

13. Правилник за измена на Правилникот за критериумот за рангирање на субдепозитарна банка на инвестициски фонд;

 

Регистар на акционерски друштва со посебни обврски за известување

​  Во септември , вкупно активни акционерски друштва беа 14. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза. 

Преземање на акционерски друштва

Комисијата за хартии од вредност на Република Македонија донесе Заклучок за прекинување на поведената постапка по Барањето за издавање дозвола за понуда за преземање на "Макпетрол" АД Скопје,  поднесено  од страна на  "Balkan Petroleum Holding Limited". Постапката е прекината заради решавање на претходно прашање кај друг надлежен државен орган. Заклучокот  е врз основа на член 1 став 2 од Законот за презeмање на акционерски друштва, како и врз основа на член 147 став 1 од Законот за општата управна постапка. Според овие законски одредби,  ако КХВ како орган што ја води постапката, наиде на прашање, кое претставува самостојна правна целина во надлежност на  друг орган, а без чие решение неможе да се одлучи за поднесеното барање, КХВ ја прекинува постапката, додека надлежниот орган не се изјасни по претходното прашање.

 

Дозволи за брокер

Комисијата за хартии од вредност на Република Македонија на Анета Грнчаровска  и издаде дозвола за работење на брокер, а им ги обнови на Леонид Дечев и на Гордана Богеска.

Спроведени контроли

​   Во септември, Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе три контроли од кои една редовна  и две вонредни .

Активности по барања на акционери за заштита на нивните права

​Секторот за супервизија на пазарот на капитал постапуваше по едно барање за заштита на акционерско право.