На оваа веб страна се користат колачиња кои не содржат лични податоци и служат со единствена цел за подобрување на корисничкото искуство. Со Вашето присуство на веб страната се подразбира дека се согласувате за користењето на овие колачиња. За повеќе детали во однос на заштитата на личните податоци прочитајте ја Политиката за колачиња.
Në këtë faqe të internetit përdoren biskota të cilat nuk përmbajnë të dhëna personale dhe shërbejnë me qëllim të vetëm për përmirësimin e përvojës së përdoruesit. Me prezencën Tuaj në faqen e internetit nënkuptohet se pajtoheni për përdorimin e këtyre biskotave (cookies). Për më tepër holllësi në lidhje me mbrojtjen e të dhënave personale lexoni Politikën e përdorimit të biskotave (cookies).
The website uses cookies that do not contain personal data and serve for the sole purpose of improving the user experience. Your presence on the website implies that you agree to the use of these cookies. For more details about personal data protection, please read the Cookie Policy.
Комисијата за хартии од вредност ги разгледа предлог Правилникот за дополнување на правилникот за содржина и начин на водење на книгата на налози и предлог Правилникот за дополнување на правилникот за начин на потврдување на прифаќање на налог за тргување. Двата правилника се објавени на веб-страницата на КХВ на јавна расправа.
- Комисијата за хартии од вредност на Друштвото за градежништво Бетон АД Скопје му ја одобри втората емисија на акции која ќе се реализира по пат на приватна понуда. Бетон АД Скопје треба да издаде 21.756 обични акции заради зголемување на основната главнина на компанијата, односно за создавање услови за проширување на пазарот на дејствување на друштвото. Продажната цена е 255,65 евра по акција, така што вкупниот износ на емисијата е 5.561.921,4 евра. Новоиздадените акции се наменети за две правни лица кои не се акционери во Бетон АД Скопје и тоа: Пунта Кресцент Лимитед од Британски Девствени острови и Арровкрест Лимитед од Никозија, Кипар. -Акционерското друштво за производство и промет на вино Винарската визба Тиквеш експорт-импорт АД Скопје доби дозвола да издаде 63.950 обични акции со вкупна вредност од 6 милиони евра. Акциите од втората емисија ќе ги купи Европската банка за обнова и развој, а целта според издавачот е да се модернизира и прошири производството. -КХВ донесе решение со кое на Евроинс осигурување АД Скопје му ја одобри петтата емисија на акции по пат на приватна понуда. Со оваа емисија, Евроинс осигурување АД Скопје ќе издаде 2.786 обични акции. Продажната цена е 41.500 денари по акција, така што вкупната вредност на емисијата е 115.619.000 денари. Зголемувањето на основната главнина на Евроинс осигурување АД Скопје се врши со нови парични влогови, при што купувач на акциите е институционалниот инвеститор Euroins Insurance Group JSC, Етрополе, Република Бугарија. - Комисијата му даде одобрение на Друштвото за осигурување АЛБСИГ АД Скопје да ја издаде втората емисија од 225.000 акции во износ од 2.250.000 евра. Единствен купувач на акциите е Анонимно друштво за осигурување АЛБ Сигурацион АД Тирана, кое е акционер во АЛБСИГ АД Скопје и тоа со учество од 100% во основната главнина на друштвото. -КХВ на Друштвото за осигурување Сигал АД Скопје делумно му го одобри барањето за издавање на втора емисија на обични акции, односно му дозволи да издаде 156 акции по основ на преобразба на статутарната резерва во акционерски капитал. Делот на барањето што се однесува на преобразба на добивката на друштвото за 2007 година КХВ го одби, бидејќи Сигал АД Скопје не издвоило дел од добивката во општиот резервен фонд.
На барање на брокерската куќа ВИП АД Скопје која ги извршуваше сите видови на услуги со хартии од вредност и поседуваше 500.000 евра основна главнина, КХВ дозволи отсега да врши само купување и продавање на хартии од вредност по налог и за сметка на клиентот, дејствување како покровител при котација и инвестициско советување за што во секое време ВИП АД Скопје треба да поседува и да одржува 75.000 евра основна главнина.
Комисијата издаде една дозвола за работа на инвестициски советник и тоа на лицето Александар Павлески.
Во ноември,вкупно активни акционерски друштва се 141. Во Регистарот што го води Комисијата за хартии од вредност се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 ЕВРА во денарска противвредност и повеќе од 100 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.
Комисијата за хартии од вредност и во ноември секојдневно оn-line во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за контрола на пазарот на капитал спроведе 5 ( пет) редовни и 2 (две) вонредни контроли.
Комисијата за хартии од вредност даде согласност за директори на една брокерска куќа и една дирекција за работa со хартии од вредност и брокерско-посреднички услуги. И тоа: -Михајло Брова Зиков да биде директор на Дирекцијата за вршење на услуги со хартии од вредност на Комерцијална банка АД Скопје - Сашо Дракуловски да раководи со брокерската куќа Еурохаус АД Скопје
а) Брокерски куќи Комисијата за хартии од вредност при редовниот надзор на тргувањето на македонската берза и контролите на учесниците на пазарот, утврди дека брокерите од брокерската куќа Мој брокер АД Скопје во текот на својата работа не се придржувале кон инструкциите дадени од клиентите и непотребно го одложувале извршувањето на налозите, иако условите на пазарот на хартии од вредност дозволувале нивно реализирање. Согласно Законот за хартии од вредност за сторените повреди, Комисијата на Мој брокер АД Скопје и изрече привремена забрана за вршење на сите услуги со хартии од вредност во рок од 30 работни дена. Исто така, брокерската куќа треба да плати и глоба во висина од 4000 до 5000 евра, а одговорното лице на Мој Брокер АД Скопје казна во износ од 1000 до 2000 евра.
Во ноември, Комисијата за хартии од вредност активно ја извршуваше својата контролна функција на пазарот на хартии од вредност и согласно законските прописи решаваше индивидуални (поединечни) и групни барања на акционери за заштита на нивните права кои произлегуваат од сопственоста над акциите. До КХВ доставени се 7 (седум) барања за заштита на акционерски права.
Во текот на ноември, претставници на Комисијата за хартии од вредност учествуваа на следниве настани: - На годишен состанок на Европскиот Регионален Комитет на IOSCO, кој се одржа ноември во Мадрид-Шпанија во периодот од 01-04 ноември 2008 година. - На тридневен семинар организиран од IOSCO, на тема "Practical approaches to Market Oversight" во Мадрид-Шпанија во периодот од 18 -21 ноември 2008 година.