Дозволи за инвестициони советници

Комисијата за хартии од вредност издаде 1(една) лиценца за инвестиционен советник и тоа на лицето Драги Тасевски.

Согласности за директори

Комисијата за хартии од вредност на седницата што се одржа на 30.06.2010 година постапуваше по 2(две) барања за добивање согласност за директор и донесе решение за давање согласност за именување на лицата: 1. Драги Тасевски за директор на Службата за работа со хартии од вредност на НЛБ Тутунска банка АД Скопје; и 2. Драган Димитриевски за директор на брокерската куќа Пеон Брокер АД Скопје.

Санкции

Брокерски куќи КХВ на РМ донесе решение за одземање на дозвола за работа на Статер Банка АД Куманово Сектор за инвестиционо банкарство издадена со Решение на Комисијата бр. 08-379/5 од 01.04.2010 година, за вршење на услуги со хартии од вредност. Одземањето на дозволата се врши поради донесено решение на НБРМ бр. 15-4294/2 од 23.06.2010 година со кое се повлекува согласноста на Статер Банка АД Куманово за вршење на финансиските активности тргување со хартии од вредност, гарантирање и пласман на хартии од вредност. Комисијата по извршената редовна годишна контрола на работењето на Стопанска Банка АД Скопје-Дирекција за работа со хартии од вредност и брокерско-посреднички услуги и донесе: - Решение за изрекување на јавна опомена на Стопанска Банка АД Скопје-Дирекција за работа со хартии од вредност и брокерско-посреднички услуги и на одговорното лице-директор на дирекцијата Горан Поповски заради непочитување на член 122 став 1 од Законот за хартии од вредност, односно непридржување и непотребно одложување на извршување на налози на клиенти во услови на постоење на пазарни услови за реализација на налог, и непочитување на член 14 и член 16 став 2 и 3 од Правилата за тргување на Македонската берза АД Скопје, како и поради непочитување на член 123 став 2 од Законот за хартии од вредност каде е предвидено дека брокерската куќа ги уплаќа паричните средства добиени од продажба на хартиите од вредност, исклучително во име и за сметка на клиентот во рок од еден работен ден по приемот на паричните средства од продажбата, освен ако поинаку не е договорено. - Решение за изрекување на јавна опомена на овластениот брокер Горан Поповски поради непочитување на одредбите од член 115 став 1 од Законот за хартии од вредност, односно поради непридржување кон инструкциите дадени од страна на клиентот во налогот број 39300, даден на ден 07-05-2009 година и во налогот број 42523 од 15-03-2010 година. - Решение за изрекување на јавна опомена на овластениот брокер Емилија Вукучевиќ поради непочитување на одредбите од член 115 став 1 од Законот за хартии од вредност, односно поради непридржување кон инструкциите дадени од страна на клиентот во налогот број 42480, даден на ден 08-03-2010 година. Акционерски друштва Комисијата по извршената контрола на акционерското друштво Ветекс АД Велес и постапувајќи по барањата за заштита на акционерските права на акционерите донесе: - Решение со кое се утврдува неправилност кај ВЕТЕКС АД Велес, друштво со посебни обврски за известување во смисла на член 158 став 3 и член 160 став 1 од Законот за хартии од вредност, заради недоставување до Комисијата за хартии од вредност и необјавување на ценовно чувствителна информација во врска со заснована хипотека од прв ред над недвижниот имот, деловни објекти сопственост на ВЕТЕКС АД Велес во корист на НЛБ Тутунска банка АД Скопје, заради обезбедување на побарување од 200.000,00 евра и заснован залог врз подвижен имотот, деловна опрема и заснована хипотека врз недвижен имот, производни погони со магацински простор, сопственост на Друштвото во корист на Комерцијална банка АД Скопје, заради обезбедување на побарување од 568.500,00 евра поради што му изрече мерка јавно обелоденување на информациите за неправилностите и незаконитостите на Ветекс АД Велес, друштво со посебни обврски за известување, пришто јавното обелоденување на утврдената неправилност и незаконитост ќе се изврши со објавање во Службен весник на РМ и на веб страната на Комисијата за хартии од вредност, по конечноста на решението.

Регистар на акционерски друштва со посебни обврски за известување

Во јуни, вкупно активни акционерски друштва се, 164. Како што е познато,, во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од, 1.000.000 евра во денарска противвредност и повеќе од, 50 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.

Спроведени контроли

Комисијата за хартии од вредност и во јуни секојдневно оn-line во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе 3 (три) редовни контроли.