На оваа веб страна се користат колачиња кои не содржат лични податоци и служат со единствена цел за подобрување на корисничкото искуство. Со Вашето присуство на веб страната се подразбира дека се согласувате за користењето на овие колачиња. За повеќе детали во однос на заштитата на личните податоци прочитајте ја Политиката за колачиња.
Në këtë faqe të internetit përdoren biskota të cilat nuk përmbajnë të dhëna personale dhe shërbejnë me qëllim të vetëm për përmirësimin e përvojës së përdoruesit. Me prezencën Tuaj në faqen e internetit nënkuptohet se pajtoheni për përdorimin e këtyre biskotave (cookies). Për më tepër holllësi në lidhje me mbrojtjen e të dhënave personale lexoni Politikën e përdorimit të biskotave (cookies).
The website uses cookies that do not contain personal data and serve for the sole purpose of improving the user experience. Your presence on the website implies that you agree to the use of these cookies. For more details about personal data protection, please read the Cookie Policy.
КХВ на РМ во септември го разгледа Предлог Правилник за начинот и условите за обука и полагање на посебен стручен испит за инвестиционо советување. Предлог Правилникот е објавен на веб-страницата на Комисијата на јавна расправа.
Комисијата одлучуваше по барањето на Земјоделски Комбинат Пелагонија АД Битола за давање одобрение за продажба на сопствени акции по пат на приватна понуда наменета за познати купувачи (продолжување на постапката по Заклучокот на Комисијата од 14.07.2010 за прекин на постапката) и притоа Комисијата одлучи да го одбие барањето бр. 02-538 од 28.06.2010 година за давање одобрение за продажба на сопствени акции по пат на приватна понуда на Земјоделски комбинат Пелагонија АД Битола поднесено до Комисијата за хартии од вредност на 29.06.2010 година. Комисијата го одби поднесеното барање по спроведена постапката на контрола, заради испитување на постоењето на поврзаност помеѓу правните лица за кои е наменета приватна понуда и акционерот ЗК Пелагонија АД Битола - сопственик на сопствени акции во ЗК Пелагонија АД Битола. Комисијата одлучи на Зираат Банка АД Скопје да и даде одобрение за издавање на долгорочни хартии од вредност по пат на приватна понуда - втора емисија на 105.995 обични акции во износ од 105.995.000 денари. Акциите од втората емисија се наменети за единствениот акционер на Зираат Банка АД Скопје - Т.Џ. Зираат Банкаси АШ Анкара, Турција.
Во септември, Комисијата за хартии од вредност на РМ даде согласност за директор на една брокерска куќа, и тоа на Емилија Брљамова за директор на НЛБ Тутунска Банка АД Скопје, Служба за услуги со хартии од вредност.
Комисијата донесе Решение со кое утврди неправилност кај ЈАКА 80 АД Радовиш, друштво со посебни обврски за известување, заради ненавремено доставување до Комисијата за хартии од вредност и ненавремено објавување на ценовно чувствителна информација во врска со заснован залог врз подвижен имот од прв ред, сопственост на заложниот должник ЈАКА 80 АД Радовиш кај заложниот доверител Министерство за финансии- Управа за јавни приходи. За утврдената неправилност, Комисијата на друштво со посебни обврски за известување ЈАКА 80 АД Радовиш, му изрече мерка јавно обелоденување на информациите за неправилностите и незаконитостите. Комисијата заклучи да покрене прекршочна постапка пред Комисијата за одлучување по прекршок на Комисијата за хартии од вредност против Илинден АД Битола и одговорното лице, заради непочитување на одредби од Законот за хартии од вредност и Правилникот за времето и начинот на обелоденување на ценовно чувствителни информации, а во врска со реализацијата на заснован залог на недвижен имот-хипотека на должникот Илинден АД Битола заради обезбедување на враќање на кредит од доверителот Еуротел ДООЕЛ Скопје.
Во септември,, вкупно активни акционерски друштва се, 164. Како што е познато,, во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од, 1.000.000 евра во денарска противвредност и повеќе од, 50 акционери или се котирани на овластената берза,, односно исполнувањето на било кој од овие услови поединечно од страна на едно акционерско друштво,, значи негово запишување во Регистарот на Комисијата.
Комисијата за хартии од вредност и во септември секојдневно оn-line во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за контрола на пазарот на капитал спроведе 1(една) редовна и 1(една) вонредна контрола.