На оваа веб страна се користат колачиња кои не содржат лични податоци и служат со единствена цел за подобрување на корисничкото искуство. Со Вашето присуство на веб страната се подразбира дека се согласувате за користењето на овие колачиња. За повеќе детали во однос на заштитата на личните податоци прочитајте ја Политиката за колачиња.
Në këtë faqe të internetit përdoren biskota të cilat nuk përmbajnë të dhëna personale dhe shërbejnë me qëllim të vetëm për përmirësimin e përvojës së përdoruesit. Me prezencën Tuaj në faqen e internetit nënkuptohet se pajtoheni për përdorimin e këtyre biskotave (cookies). Për më tepër holllësi në lidhje me mbrojtjen e të dhënave personale lexoni Politikën e përdorimit të biskotave (cookies).
The website uses cookies that do not contain personal data and serve for the sole purpose of improving the user experience. Your presence on the website implies that you agree to the use of these cookies. For more details about personal data protection, please read the Cookie Policy.
По спроведена јавна расправа, Комисијата во ноември донесе три подзаконски акти кои произлегуваат од Законот за инвестициски фондови. И тоа: - Правилник за сметковниот план, содржината на одделните сметки во сметковниот план на затворените фондови, како и формата и содржината на финансиските извештаи на затворените инвестициски фондови; - Правилник за методологијата за пресметување на ризиците од вложувањето во финансиските деривативни инструменти; - Одлука за утврдување на начинот на пресметување на приносот по удел во отворен инвестициски фонд и за пресметување на волатилноста на инвестициските фондови.
Комисијата за хартии од вредност го одби барањето на Комерцијална Банка АД Скопје за давање одобрение за зголемување на почетниот капитал (основната главнина) на Комерцијална Банка АД Скопје со емисија на обични акции по пат на приватна понуда-VI (шеста) емисија, наменета за два институционални инвеститори; East Capital Explorer Investments AB од Стокхолм, Шведска и Publikum Holding d.o.o. од Словенија. Одбивањето е од причина што при разгледување на барањето на Банката за давање одобрение за зголемување на почетниот капитал на Банката со емисија на обични акции по пат на приватна понуда-VI (шеста) емисија, Комерцијална Банка АД Скопје не достави докази дека наведената приватна понуда е наменета за институционални инвеститори согласно одредбите од Законот за хартии од вредност.
Акционерски друштва со посебни обврски за известување Поради непочитување на обрските за обелоденување на информации и податоци од страна на акционерските друштва од Регистарот на АД-а со посебни обврски за известување, КХВ одлучи да им изрече мерка- глоба на следниве 5 акционерски друштва: - МЛАЗ АД Богданци; - Живинарска фарма Белимбегово АД ; - Огражден АД Берово, Тутун АД Скопје и -Пролукс АД Велес. Истовремено, КХВ одлучи да им изрече јавни опомени на следните акционерски друштва: -Гранит АД Скопје; -Мода АД Свети Николе и -Осигурување КЈУБИ АД Скопје. Оваа санкција им е изречена како на друштва со посебни обврски за известување кои се водат во Регистарот на Комисијата.
Во ноември, вкупно активни акционерски друштва се 164. Како што е познато, во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.