Решенија за емисии на акции

Комисијата за хартии од вредност на Република Македонија на РЖ Техничка Контрола АД Скопје и даде одобрение за продажба на сопствени акции по пат на приватна понуда. Станува збор за 9563 обични акции, што претставуваат 4,5447% од основната главнина на друштвото. Продажната цена по акција е 321 денар. Купувач на сопствените акции од РЖ Техничка Контрола АД Скопје со вкупен износ од 3.069.723 денари е АД Факом Скопје.

Регистар на акционерски друштва со посебни обврски за известување

Во јуни вкупно активни акционерски друштва се 155. Како што е познато, во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.

Спроведени контроли

Секторот за супервизија на пазарот на капитал во јуни спроведе една вонредна контрола.

Активности по барања на акционери за заштита на правата

Секторот за супервизија на пазарот на капитал во јуни постапуваше по две барања за заштита на акционерски права.

Меѓународна соработка

Претседателот на Комисијата за хартии од вредност на РМ Марина Наќева Кавракова, во периодот од 06-08 јуни 2011 година престојуваше во Лисабон, Португалија каде учествуваше на годишниот состанок на Европскиот Регионален Комитет на IOSCO. Во истиот период , претставници на Комисијата за хартии од вредност беа во работна посета на ; Италијанската Комисија за хартии од вредност CONSOB (Commissione Nazionale per le Societagrave e la Borsa ) во Рим. Посетата беше организирана преку донација на Европската Унија - REPARIS проект за изработка на методологија за супервизија на учесниците на пазарот за хартии од вредност. Целта на студиската посета беше размена на искуство и трансфер на знаење во областа на: инвестициски ;те фондови (надзор, адекватноста на капиталот, евалуација и рангирање); SRO's саморегулирачките организации; гарантниот фонд и надоместот на штета на инвеститорите ; спречување на перење пари; анализа на финансиските извештаи на учесниците на пазарот.