Решенија за емисија на хартии од вредност

Комисијата за хартии од вредност ја одобри шестата емисија на акции на Клириншки интербанкарски системи АД Скопје што се реализира како приватна понуда. Станува збор за 493 обични акции во износ од 4.930.000 денари. Исто така, Комисијата за хартии од вредност одобри продажба на 125 сопствени акции издадени од АД за осигурување ТАБАК од Скопје за познат купувач.

Одобренија и согласности на инвестициски фондови

Комисијата за хартии од вредност издаде одобрение за основање на друштво за управување со фондови Илирика Фунд Менаџмент АД. Ова друштво е прво во Република Македонија, иако Законот за инвестициски фондови дава можност за тоа уште од 2000 година. Основач на друштвото е Илирика ДЗУ д.о.о. Љубљана, Република Словенија. Предвидено е Илирика Фунд Менаџмент АД да основа и да управува со два отворени инвестициски фондови. Овие фондови ќе прибираат слободни парични средства од инвеститорите, ќе управуваат со нив и потоа ќе ги инвестираат во различни финансиски инструменти (хартии од вредност,пари,финансиски деривати). Со работењето на инвестициските фондови на македонскиот пазар на хартии од вредност им се овозможува пред се на малите инвеститори да ги вложат парите во хартии од вредност , а при тоа да бидат заштитени од поголемите индивидуални ризици, присутни при секое инвестирање. Директор на Илирика Фунд Менаџмент АД е Александар Манев. Исто така , во јули се регистрирани 4 (четири ) приватни фондови во Регистарот на приватни фондови што го води Комисијата за хартии од вредност. Станува збор за : 1. Small Investment Fund 2.СЕЕ Инвест Фонд 3. Фишер ОМЕГА приватен инвестициски фонд 4. Fisher ALPHA Овие приватни фондови се основаат само на одредено време кое не може да биде пократко од осум години и во нив можат да вложат најмногу до 20 инвеститори. Големината на фондот изнесува најмалку 500.000 евра во денарска противвредност. Минималната преземена договорена обврска на вложување на секој поединечен инвеститор во приватниот фонд не може да биде помала од 50.000 евра во денарска противвредност. Приватните фондови се наменети за одредена мала група инвеститори. Во оваа група инвеститори ги вклучуваме особено институционалните инвеститори (дури и државата како инвеститор посредно или непосредно) кои самите се доволно стручни и компететни, со капацитет за вреднување и прецизно проучување на целокупниот релевантен информациски материјал (финансиски и тековен) на една компанија неопходен за сигурно вложување во таа компанија.Исто така овие добро информирани инвеститори го познаваат и самиот начин на фукционирање на приватните фондови. Поради тоа, приватните фондови наместо кон поголем број компании, своите вложувања ги насочуваат само кон неколку посебно одбрани компании. Конечниот резултат од едно вакво вложување треба да биде прераснување на таргетираната компанија во водечка - лидер компанија во својата дејност во земјата и пошироко во регионот

Одобренија и согласности на брокерски куќи

Публикум АД Скопје и ВИП АД Скопје се новите брокерски куќи што добија дозвола за работа од Комисијата за хартии од вредност. Основната главнина на Публикум АД Скопје изнесува 75.000 евра во денарска противвредност, а поделена е на 75.000 обични акции со номинална вредност од 1 евро по акција. Согласно член 94 од Законот за хартии од вредност, оваа членка на пазарот на капитал ќе купува и ќе продава хартии од вредност по налог и за сметка на клиентот, ќе дејствува како покровител при котација и ќе има можност да врши инвестициско советување. ВИП АД Скопје е регистрирана со основна главнина од 500.000 евра во денарска противвредност, поделена на 50.000 обични акции со номинална вредност од 10 евра по акција. Оваа брокерска куќа има овластување да ги врши сите услуги: да купува и продава хартии од вредност во свое име и за своја сметка, да управува со портфолио на хартии од вредност по налог и за сметка на индивидуален клиент, да врши трансакции и активности за сметка на издавачот на хартиите од вредност потребни за успешна јавна понуда на хартии од вредност, со и без задолжителен откуп на непродадените хартии од вредност, да дејствува како покровител при котација, ќе има можност да врши инвестициско советување и ќе извршува трансакции и активности за сметка на трети лица потребни за преземање на едно акционерско друштво во согласност со Законот за преземање на акционерски друштва. Директор на ВИП АД Скопје е Ѓорѓи Игњатов.

Дозволи за брокери

Комисијата за хартии од вредност издаде десет дозволи за работење на брокер. И тоа на : 1.Дарко Сима 2.Анде Ѓурчиновски 3.Александра Томоска 4.Иван Ортаковски 5.Зорица Пиперкоска 6.Сашо Дракуловски 7.Панче Шурков 8.Ана-Марија Николова 9.Емилија Вукиќевиќ 10.Славица Атанасова

Супервизорски (надзорни) активности на КХВ

Комисијата за хартии од вредност даде три согласности за директори на брокерски куќи и тоа: 1. Викторија Трајчова Недановска да биде именувана за директор на Дирекцијата за работи со хартии од вредност и брокерски-посреднички услуги на Стопанска банка АД Скопје; 2. Марјан Поповски да биде директор на брокерската куќа Сензал АД Скопје; 3. Драги Тасевски да биде именуван за директор на брокерската куќа НЛБ Тутунскаброкер АД Скопје.

Согласности за субјектите кои се предмет на супервизија на КХВ

Комисијата за хартии од вредност даде согласност на Правилата за тргување на Македонската Берза АД Скопје.

Согласности за субјектите кои се предмет на супервизија на КХВ

Комисијата за хартии од вредност даде согласност на Правилата за тргување на Македонската Берза АД Скопје.

Регистар на акционерски друштва со посебни обврски за известување

Во јули вкупно активни акционерски друштва се 145. Во Регистарот што го води Комисијата за хартии од вредност се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 ЕВРА во денарска противвредност и повеќе од 100 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.

Aктивности по барања на акционери за заштита на правата

Во јули Комисијата за хартии од вредност активно ја извршуваше својата контролна функција на пазарот на хартии од вредност и согласно законските прописи решаваше индивидуални (поединечни) и групни барања на акционери за заштита на нивните права кои произлегуваат од сопственоста над акциите. До КХВ доставени се 8 (осум) барања за заштита на акционерски права. Некои од акционерите се жалат на повреда на берзанските процедури на тргување и бараат проверка на трансакции реализирани на Македонската берза АД.