Подзаконски акти

По завршена јавна расправа, Комисијата за хартии од вредност на Република Македонија во ноември усвои неколку правилници и тоа: Правилник за изменување и дополнување на Правилникот за формaтa и содржинaтa нa проспектот и покaнaтa зa зaпишувaње и уплaтa нa хaртии од вредност ; Правилник за изменување и дополнување на Правилникот за документите што ги доставува издавачот на хартии од вредност при поднесување на барањето за одобрение за јавна понуда на хартии од вредност; Правилник за изменување и дополнување на Правилникот за формата и содржината на годишните, полугодишните и тековните извештаи, материјали за акционерски собранија и извештај за сопственост на АДПОИ кои се водат во Регистарот на КХВРМ " Правилник за начинот и постапката за вршење контрола на овластените учесници на пазарот на хартии од вредност. КХВ усвои и Правилник за изменување и дополнување на Правилникот за утврдување на категориите на сопствени средства и начинот на пресметување на износот и структурата на влоговите при основање и средствата од активата на овластено правно лице со кои треба да располага и во континуитет , кој е од времен карактер. Овој акт Комисијата го стави на јавна расправа со цел јавноста да ги каже своите коментари и забелешки, по што повторно истиот ќе се најде на дневен ред пред КХВ.

Регистар на акционерски друштва со посебни обврски за известување

Во ноември, вкупно активни акционерски друштва се 20. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери освен друштвата котирани на берза.

Согласности на директори на овластени учесници на пазарот на хартии од вредност

Во ноември, Комисијата за хартии од вредност на Република Македонија даде согласност Коста Костадиновски и Јован Дојчиновски да бидат именувани за извршни членови на Одборот на директори на Друштвото за управување со инвестициски фондови "Илирика Фунд Менаџмент" АД Скопје. Имено, во наредните две години, Коста Костадиновски ја врши функцијата Главен извршен директор, а Јован Дојчиновски извршен директор на "Илирика Фунд Менаџмент"АД Скопје.

Спроведени контроли

Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе две редовни контроли.

Супервизорски активности

Комисијата за хартии од вредност на Република Македонија даде согласност на измените и дополнувањата на Правилата за тргување на Македонска Берза АД Скопје и на Правилата за работа на ЦДХВ АД Скопје. Исто така во ноември, КХВ даде одобрение на измените и дополнувањата на Статутот на Друштвото за управување со инвестициски фондови "Илирика Фунд Менаџмент" АД Скопје.

Активности по барања на акционери за заштита на правата

Секторот за супервизија на пазарот на капитал постапуваше по две барања за заштита на акционерско право.