Комисијата за хартии од вредност на Република Северна Македонија на 64-тата  седница со која претседаваше  Претседателката на КХВ  М-р Бујаре  Абази донесе Решение со кое се дава согласност за именување на лицето Василка Николовска за раководител-директор на Оддел за работа со хартии од вредност на ТТК Банка АД Скопје. Согласноста на Василка Николовска која и досега беше на позицијата  раководител-директор на Оддел за работа со хартии од вредност на ТТК Банка АД Скопје ќе важи за период од четири години.
Исто така, КХВ ги одобри измените на Статутите на пет  отворени инвестициски фондови на Друштвото за управување со отворени и затворени инвестициски фондови ВФП Фонд Менаџмент АД Скопје и тоа:

 -  Статутот на ВФП БОНД - отворен инвестициски фонд;

 -  Статутот на ВФП ДИВИДЕНДА АКЦИИ-отворен инвестициски фонд;

-  Статутот на  ВФП ЕТИКС АКЦИИ-отворен  инвестициски фонд;

-   Статутот на ВФП КЕШ ДЕПОЗИТ -отворен инвестициски фонд и на

-  Статутот на ВФП ПРЕМИУМ АКЦИИ -отворен инвестициски фонд.

На седницата што се одржа денеска на 19 август, 2025 година, Комисијата обнови четири дозволи за работење на брокер, а издаде една дозвола за работење на инвестициски советник.