Комисијата за хартии од вредност на Република Северна Македонија на 72-та седница со која претседаваше Претседателката на КХВ  М-р Бујаре  Абази донесе Решение со кое на акционерското друштво СИНЦЕРИТАС АД Скопје  му се дава одобрение за издавање на долгорочни хартии од вредност по пат на приватна понуда.  Со третата емисија на акции друштвото ќе издаде 9.317.000 обични акции со номинална вредност по акција од 1 евро и вкупен номинален износ од 9.317.000,00 евра. Продажната цена на акциите од третата емисија е еднаква на номиналната.

Зголемување на основната главнина на друштвото се врши  со трансформирање на заем во влог преку издавање на нови обични акции од трета емисија. СИНЦЕРИТАС АД Скопје врши зголемување на основната главнина со цел обезбедување на оптимална капитализираност во идниот период, како и да овозможи понатамошен сопствен непречен раст и развој согласно природата, видот и обемот на активностите кои ги извршува и ризиците на кои е изложено при работењето.
На седницата што се одржа денеска на 26 ноември, 2025 година Комисијата издаде  една дозвола за работење на брокер.