Комисијата за хартии од вредност на Република Северна Македонија на 73-тата седница со која претседаваше Претседателката на КХВ  М-р Бујаре  Абази донесе Решение со кое на Комерцијална банка АД Скопје и се дава одобрение за продажба на сопствени акции по пат на јавна понуда – 558 обични акции во вкупен номинален износ од 558.000 денари.

Продажбата на сопствените акции ќе се реализира согласно моделот на одредување на минимална цена со давање приоритет на налози со повисока цена, помала количина и порано време на внес на налог. Јавната понуда ќе се смета за успешна ако во предвидениот рок од 30 календарски дена од денот на започнувањето на продажбата се продадат најмалку 60% од понудените сопствени акции. Продажбата на сопствените акции, Комерцијална  банка АД Скопје ја врши заради исполнување на законската обврска за оттуѓување на сопствени акции во утврден рок.  

На седницата што се одржа денеска на 12 декември, 2025 година Комисијата за хартии од вредност издаде една дозвола за работење со хартии од вредност, една за инвестициски советник  и седум дозволи за инвестициски агент.