Комисијата за хартии од вредност на Република Северна Македонија на 74-тата седница со која претседаваше Претседателката на КХВ  М-р Бујаре  Абази  ja усвои Годишната програма за работа за 2026 година, со која се утврдуваат стратешките приоритети, цели и активности за наредната година. Програмата е насочена кон понатамошно зајакнување на стабилноста, транспарентноста и отпорноста на пазарот на капитал, унапредување на регулаторната и супервизорската рамка, дигиталната трансформација, како и јакнење на корпоративното управување и финансиската едукација и инклузија. Во фокусот на Програмата за 2026 година се активностите поврзани со имплементација на новата законска регулатива, ефективна супервизија и надзор над пазарните учесници, развој на нови финансиски инструменти, како и зајакнување на институционалните капацитети и ИТ вештини на вработените. Со Програмата се предвидува дополнително зајакнување на улогата на Комисијата како современ, ефикасен и отчетен регулатор, кој преку транспарентно работење и проактивна комуникација со јавноста придонесува кон развој на доверлив, стабилен и конкурентен пазар на капитал, во функција на економскиот раст и одржливиот развој на државата.

На седницата што се одржа денеска на 26 декември, 2025 година, Комисијата го усвои Финансискиот план и Планот за јавни набавки за деловната 2026 година.

 Исто така, Комисијата за хартии од вредност издаде една  дозвола за работење со хартии од вредност и две  дозволи за инвестициски агент.