Комисијата за хартии од вредност на Република Северна Македонија на 154-тата седница со која претседаваше Претседателот на КХВ М-р Нора Алити на  Халк Банка АД Скопје и даде одобрение да ја издаде  деветнаесеттата емисија на долгорочни хартии од вредност по пат на приватна понуда.

Со деветнаесеттата емисија на акции Халк Банка АД Скопје ќе издаде  обични акции со номинална и продажна вредност од 10.000 денари по акција, со вкупен износ на емисијата од 1.845.000.000 денари.

Зголемувањето на основната главнина со нови парични влогови се врши за познат купувач, односно за  институционалниот инвеститор кој воедно е и акционер на Банката- Халк банка А.Ш. Турција (Türkiye Halk Bankasi Anonim Şirketi),од  Република Турција. Халк Банка АД Скопје издава нови акции заради зголемување на капиталот и обезбедување на оптимална адекватност на капиталот во наредниот период.

На  седницата што се одржа денеска на 14 јули, 2022 година, Комисијата за хартии од вредност позитивно одговори на Барањето за измена на дозволата за работа на Шпаркасе банка АД Скопје – Служба за работа со хартии од вредност со што како овластен учесник повеќе нема да ги извршува  двете услуги “управување со портфолио на хартии од вредност по налог и за сметка на индивидуален клиент” и “инвестиционо советување”.
Исто така, КХВ  даде одобрение на Проспектот на отворениот инвестициски фонд ГЕНЕРАЛИ ТОП БРЕНДОВИ  на Друштвото за управување со отворени и затворени инвестициски фондови Генерали инвестментс АД Скопје, кој е во согласност со член 53 од Законот за инвестициски фондови и со Правилникот за формата и содржината на проспектот на отворен и затворен инвестициски фонд. Согласно Проспектот на фондот, инвестициската цел е зголемување на вредноста на имотот ,односно пораст на цената на уделот, гледано на долг рок.