Комисијата за хартии од вредност на Република Северна Македонија на денешната седница со која претседаваше Претседателот на КХВ М-р Нора Алити донесе Решение со кое утврди дека понудата дадена од Ристо Масев и Васил Георгиев за преземање на "Нова Стоковна Куќа" АД Струмица е успешна. Понудата е прифатена од  вкупно осум акционери, па врз основа на тоа, преземачите се стекнаа со 636 обични акции со право на глас  и заедно со акциите што веќе ги поседуваа имаат вкупно 948 обични акции што претставува учество од 75,90% од вкупниот број на обични акции, издадени од "Нова Стоковна Куќа" АД Струмица. Ристо Масев и Васил Георгиев ги откупија хартиите од вредност по цена од  61.500 денари по акција.  Исто така,  на 23-тата седница што се одржа на 26 февруари, 2019 година, Комисијата за хартии од вредност на Република Северна Македонија  донесе две Решенија за бришење на акционерско друштво од Регистарот на акционерски друштва со посебни обврски за известување и тоа за Свињарска фарма "МАК МЕСО СФ" АД с.Таринци, Карбинци и за Живинарска фарма "Живино Комерц" АД Штип.

    Причината и за двете друштва е идентична и тоа  бришење на субјектот од регистарот на Трговски друштва. Овие решенија, Комисијата за хартии од вредност на Реублика Северна Македонија ги донесе откако Централниот депозитар за хартии од вредност АД Скопје, а  врз основа на информација на Централен Регистар ја извести дека и двете друштва  ги исполнуваат условите за бришење. Исто така, акциите издадени од "МАК МЕСО СФ" АД Карбинци и од "Живино Комерц "АД Штип се блокирани за тргување.