Комисијата за хартии од вредност на Република Северна Македонија на 26-тата седница со која претседаваше Претседателот на КХВ М-р Нора Алити , а се одржа на 16 април, 2019 година  усвои два интерни акта и тоа:

• Процедура за водење на Регистар на акционерски друштва со посебни обврски за известувања согласно Законот за хартии од вредност и

• Процедура за известување на акционерските друштва со посебни обврски за известување кои се водат во Регистарот на акционерски друштва со посебни обврски за известување согласно Законот за хартии од вредност.

     Со примената на овие два интерни акта, Комисијата преку утврдени процеси и потпроцеси на дејствување, како и со прецизни рокови во континуитет ќе ја зајакнува контролата врз друштвата кои се водат во Регистарот на акционерски друштва со посебни обврски за известување и тоа од аспект на исполнување на обврските за транспарентно и навремено објавување на информациите како отчет пред инвеститорската јавност, но и кон Комисијата за хартии од вредност на Република Северна Македонија како регулатор на пазарот на капитал.  Според Законот за хартии од вредност , во Регистарот на АДПОИ на КХВ се води секое друштво кое извршило јавна понуда на хартии од вредност, или има основна главнина од 1.000.000 евра во денарска противвредност и повеќе од 50 акционери, освен друштвата котирани на берза.