Комисијата за хартии од вредност на Република Северна Македонија на 28-мата седница со која претседаваше Претседателот на КХВ М-р Нора Алити донесе Решение со кое на Друштвото за управување со инвестициски фондови "ВФП Фонд Менаџмент" АД Скопје му даде согласност на :

• Измените на Статутот на отворениот инвестициски фонд ВФП 100 % Бонд;

• Измените на Проспектот на отворениот инвестициски фонд ВФП 100% Бонд и на

• Измените на скратената форма на Проспектот на отворениот инвестициски фонд ВФП 100% Бонд.

Исто така, КХВ го усвои Годишниот извештај за работење на Комисијата за хартии од вредност за 2018 година, кој ќе биде доставен до Собранието на Република Северна Македонија на усвојување.

На седницата што се одржа на 10 мај, 2019 година, а по завршена јавна расправа, КХВ  донесе и четири подзаконски акти:

• Правилник за измени и дополнување на Правилникот за дополнителните информации кои треба да ги содржи барањето за издавање на дозвола за работење на брокерска куќа;

• Правилник за начинот и постапката за вршење  контрола и надзор;

• Правилник за измена и дополнување на Правилникот за содржината и начинот на водење на книгата на налози и

• Правилник за измена и дополнување на Правилникот за содржина на месечниот извештај за работењето на овластено правно лице со дозвола за работа со хартии од вредност.