Комисијата за хартии од вредност на Република Северна Македонија на 55-тата седница со која претседаваше Претседателот на КХВ М-р Нора Алити по завршена јавна расправа го донесе Правилникот за изменување на Правилникот за документите што ги доставува издавачот на хартии од вредност при поднесување на барањето за одобрение на јавна понуда на хартии од вредност. Овој правилник, КХВ го усвои заради пролонгирање на периодот за одобрување на иницијални јавни понуди без надоместок за Комисијата. Тоа значи дека и во 2020 година, КХВ продолжува да делува во насока на афирмирање на пазарот на капитал како алтернативен начин за финансирање на бизнисите, со цел привлекување на поголем број на компании да се финансираат на овој начин. 

На седницата, што се одржа денеска на 14 февруари 2020 година, Комисијата откако констатира дека се исполнети условите,  донесе вкупно 24 решенија, со кои 16 лица стекнаа право да го полагаат стручниот испит за инвестиционо советување од 8-мата обука, а 8 кандидати за работење со хартии од вредност од  18-тата обука.

Исто така, КХВ обнови и една лиценца за работење со хартии од врeдност.