Комисијата за хартии од вредност на Република Северна Македонија на 56-тата седница со која претседаваше Претседателот на КХВ М-р Нора Алити, по завршена јавна расправа  усвои три подзаконски акти и тоа:
-Правилникот за потребната документација, начинот и постапката за давање согласност за именување на членови на управниот одбор, односно извршни членови на одборот на директори на друштво за управување со инвестициски фондови;
-Правилникот за потребната дополнителна документација за добивање согласност за стекнување на квалификувано учество во брокерска куќа, берза на хартии од вредност, депозитар за хартии од вредност и друштво за управување со инвестициски фондови и
-Правилникот за начинот и постапката на давање согласност за именување на директор на овластен учесник на пазарот на хартии од вредност и утврдување на формата и содржината на барањето за давање на согласност за именување директор на овластен учесник на пазарот на хартии од вредност.

Согласно Законот за инвестициски фондови, според кој КХВ нема надлежност да навлегува во содржината на поднесените документи за регистрација на приватните фондови и врши само запишување во Регистарот на приватни фондови кој го води Комисијата за хартии од вредност, одлучи приватните инвестициски фондови "Норд Мацедониа Економик Девелопмент" на  Друштвото за управување со приватни фондови "Економик Девелопмент " ДООЕЛ Скопје и "Норт Мацедониа Индустриал Иноватион" на Друштвото за управување со приватни фондови "Индустриал Иноватион " ДООЕЛ Скопје да бидат запишани во Регистарот и да  им се додели идентификациски број. КХВ не го одобрува основањето на приватните фондови, ниту пак е надлежна да врши контрола и надзор на нивната работа.

На седницата што се одржа денеска на 25 февруари 2020 година, КХВ издаде и една дозвола за работење со хартии од врeдност.