Комисијата за хартии од вредност на Република Северна Македонија на 75-тата седница со која претседаваше Претседателката на КХВ М-р Бујаре Абази, донесе решение со кое го одобри барањето на Винарската визба Тиквеш АД Кавадарци за издавање на обични акции по пат на приватна понуда од трета емисија на акции, со средства на друштвото односно преку распределба на дел од акумулираната добивка од 2017 година и 2018 година и исплата на дивиденда во акции на акционерите, сразмерно на нивното учество во основната главнина според дивидендниот календар за исплата на дивиденда за 2017 и 2018 година.

Со третата емисија ВВ Тиквеш АД Кавадарци ќе издаде 101.598 обични акции со продажна вредност која е еднаква на номиналната вредност по акција и изнесува 51,13 евра односно со вкупна номинална вредност на емисијата која е еднаква на вкупната продажна вредност и изнесува 5.194.705, 74 евра.

На седницата што се одржа денеска на 15 јануари, 2026 година Комисијата за хартии од вредност донесе решение за давање согласност на измените и дополнувањата на Статутот на Друштвото за управување со отворени и затворени инвестициски фондови ВФП Фонд Менаџмент АД Скопје, потоа донесе и решенија за одобрување на измените и дополнувањата на проспектите на отворените инвестициски фондови со кои управува Друштвото за управување со отворени и затворени инвестициски фондови КБ Инвест АД Скопје и тоа: КБ Инвест – Паричен, КБ Инвест – Обврзници,        КБ Инвест – Балансиран, КБ Инвест – Акции,     КБ Инвест – МБИ 10    и   КБ Инвест Златен фонд.

На истата седница Комисијата издаде: една дозвола за работење на инвестициски советник и една дозвола за обновување на дозвола за работење на инвестициски советник, како и две дозволи за инвестициски агент.