д-р Кирил Јовановски

Надворешен член - Комисионер

Проф. д-р Кирил Јовановски е избран за надворешен комисионер на Комисијата за Хартии од Вредност (КХВ) на Република Северна Македонија на 14 Јуни 2018 година од страна на Собранието на Република Северна Македонија.

Пред да биде избран за комисионер на Комисијата, проф. д-р Кирил Јовановски беше активно вклучен во работењето на Централниот депозитар за хартии од вредност на Република Северна Македонија и Македонската берза а. д. Скопје, како независен член во одборот на директори. Дополнително преку активности поврзани со академската кариера, проф. Јовановски, постојано допринесува во зголемувањето на финансиската писменост во земјата преку одржување на бројни повеќедневни едукативни семинари и тренинзи поврзани со пазарот на капитал. Својата професионална кариера ја градел започнувајќи во двете најголеми банки во рамките на македонскиот банкарски сектор, за во 2008 година да продолжи во академската средина. Денес работи како професор од областа на финансиите на предметите Финансиски пазари и институции и Лични финансии, при Економскиот факултет – Скопје на Универзитетот св. Кирил и Методиј, Скопје, каде како дел од работните обврски континуирано учествува на домашни и меѓународни тематски и стручни симпозиуми и работилници. Неговиот научноистражувачки интерес е насочен кон пазарот на капиталот, меѓународните финансии и финансиските институции, на чии теми се однесуваат научните трудови кои ги објавува во меѓународни стручни списанија.