Зоран Колев
10.05.2019

д-р Зоран Колев

Надворешен член - Комисионер
Зоран Колев е роден на 11 јануари 1966 година во Скопје. Своето образование го стекнал на Економскиот факултет при Универзитетот "Св. Кирил и Методиј" во Скопје,  каде во 1989 година, ги завршува додипломските студии на Финансиско сметководно банкарска насока. Во 2008 година магистрира од областа на монетарната економија на тема "Анализа на берзанското работење" а со највисоката докторска титула се стекнал во 2012 година. Насловот на неговиот докторски труд е "Примарен пазар на капитал и Иницијална јавна понуда".

Има повеќе од 33-годишно работно искуство во банкарскиот и финансискиот сектор. Во својата богата професионална кариера менува десетина работни места во повеќе банки, од брокер до член на Управен Одбор на „Статер банка“ АД Куманово („КИБ Банка“ АД Куманово). Моментално ги извршува работните задачи како Директор на сектор за комерцијално банкарство во ТТК Банка АД Скопје.

Активно бил вклучен уште во почетоците како на Македонската берза, така и на Централниот Депозитар за хартии од вредност каде реализира повеќе мандати во нивните оргни на управување.

Академската кариера ја започнува во 2012 година кога е избран за професор Насловен доцент, додека, пак, во 2017 година е избран во повисоко академско звање Насловен вонреден професор на Факултетот за економски науки во состав на Европски Универзитет - Република Македонија.

Коавтор е на два универзитетски учебници “Хартии од вредност“ и “Тргување со хартии од вредност – практикум”.

Во моментот д-р Зоран Колев е именуван за Надворешен комисионер во Комисија за хартии од вредност со втор мандат.