33 студенти успешно ја завршија летната школа на КХВ
03.06.2026
Тридневната летна школа за вовед во финансиските пазари и хартии од вредност, организирана од Комисијата за хартии од вредност (КХВ) во соработка со Универзитетот „Мајка Тереза“од Скопје, заврши со свечено доделување потврди на 33 студенти.

Претседателката на КХВ, м-р Бујаре Абази, лично им ги врачи потврдите, честитајќи им за нивниот интерес за пазарот на капитал, при што ги охрабри да продолжат со продлабочување на своето знаење во оваа област.

Програмата опфати предавања и дискусии за регулаторното опкружување, надзорот, инвестирањето и за етиката во финансиското работење. На студентите им беше презентирано и тргување со хартии од вредност на Македонската берза во реално време, што им овозможи да се стекнат со практично знаење.