Голем интерес за Годишната награда на КХВ за млади истражувачи
10.03.2021
Претседателката на Комисијата за хартии од вредност Mr.Sc. Nora Aliti  денеска на 10 март, 2021 година оствари работен состанок со Претседателот на Одборот за оценување и избор на најдобар труд по Конкурсот за доделување  на Годишна награда на КХВ за млади истражувачи  Prof.Dr.Jeton Mazllami - Професор на Факултет за бизнис и економија при Универзитетот на Југоисточна Европа.
Целта беше заеднички да се утврди динамиката на активности кои се неопходни за избор на најдобриот труд по Конкурсот за доделување  на Годишна награда на КХВ за млади истражувачи кој Комисијата за хартии од вредност  го распиша во октомври, 2020 година.
 На средбата беше констатирано дека  заложбите на Комисијата за поттикнување и за развој на научната мисла за пазарот на капитал кај младите веќе јавноста ги препознава, што се потврдува преку  искажаниот   интерес од страна на младите истражувачи  на овогодинашниот Конкурс, односно пристигнати се дури 14 трудови.
Претседателот на Одборот за оценување и избор на најдобар труд Prof.Dr.Jeton Mazllami истакна дека наредните денови со голема посветеност, Одборот ќе го направи изборот при што ќе победи најдобриот, а за што навремено ќе бидат известени и кандидатите и јавноста.
Двајцата соговорници се согласија дека улогата на високо образовните институции во промовирањето на квалитетен кадар е примарна, но таа станува суштествена кога ќе се искомбинира со спроведување на пракса во институциите, па  токму ваквите активности како што е  избор на најдобар труд  прават спој на двете работи.
 Mr.Sc. Nora Aliti и Prof. Dr.Jeton Mazllami се заложија ваквата соработка да се продлабочува со што младите ќе се интегрираат и ќе учествуваат на пазарот на капитал преку различни модалитети, бидејќи инвестирањето во едукацијата на младите е инвестирање во иднината.