Шеста година по ред на Македонска берза се одржа „Инвеститорски ден “на којшто сите домашни физички лица имаа можност да тргуваат со акции на пазарните сегменти без да ги платат провизиите кон Берзата, Централниот депозитар на хартии од вредност и овластените пазарни учесници (банки и брокерски куќи), во износ на остварен промет до 10.000 евра.

На „Инвеститорскиот ден “на Берзата се склучија вкупно 396 трансакции, што претставува најголем број на трансакции на дневно ниво во 2025 година. Дополнително, на овој ден во БЕСТ системот на Берзата беа внесени вкупно 547 налози за тргување, што претставува најголем број на внесени налози за тргување во текот на оваа година.  Вкупниот промет од тргување во БЕСТ системот со акции денес надмина 917 илјади евра, односно околу 56 милиони денари.

Иницијативата „Инвеститорски ден “и овој пат доби поддршка од страна на Комисијата за хартии од вредност, единаесетте членки на Македонската берза и од Централниот депозитар за хартии од вредност.