Во рамки на иницијативата на Универзитетското студентско собрание, а по повод „Глобалната недела на пари 2025“ на 15 април, 2025 година во Скопје беше одржана панел дискусија со работен наслов „Како познавањето на финансиите ја обликува твојата иднина“.
На настанот учествуваа  Анита Ангеловска – Бежоска, гувернер на Народната банка, Гордана Димитриевска – Кочоска, министер за финансии, професор Кирил Јовановски, комисионер на Комисијата за хартии од вредност, Ели Дракуловска , претседател на Совет на експерти на Агенцијата за супервизија на осигурувањето и Дарко Саздов, член на Советот на експерти на МАПАС.
Претставниците на финансиските регулатори се осврнаа  на значењето на финансиската писменост, за потребата од проактивност особено на младото население,  како и на мерките и активностите кои овие институции ги преземаат за унапредување на свесноста за потребата од финансиска едукација.