На 28.02.2025 година беше одржана подготвителна средба на претставниците на МБА, Народната банка и Комисијата за хартии од вредност со менторите и тимовите на ученици од пријавените училишта на која им беа дадени насоки и едукативни материјали за подготовка за натпреварот.

Исклучително сме задоволни од интересот на нашите основци и средношколци, како и нивните наставници за овој натпревар и желбата за градење и зајакнување на нивните знаења во доменот на финансиската едукација.

И оваа година за националниот натпревар, којшто се одржува по седми пат во организација на Македонската банкарска асоцијација, во соработка со Народната банка и Комисијата за хартии од вредност, пријавени се:

Над 1000 ученици и
Над 100 ментори од
Над 85 основни и средни училишта ширум земјава.

Националниот натпревар ќе се одржи за време на Европската/Глобалната недела на парите, од 17 до 23 март годинава, додека најдобрите двајца ученици ќе ја претставуваат нашата земја на европското финале што ќе се одржи на 22 и 23 мај 2025 година во Брисел, Кралството Белгија.