Ученици од прва и втора година од СОУ „Јосиф Јосифовски“ ја посетија Комисија за хартии од вредност во рамки на едукативна посета посветена на запознавање со основите на пазарот на капитал и улогата на регулаторот во неговото функционирање.
На почетокот , учениците беа поздравени од претседателката на Комисијата за хартии од вредност М-р Бујаре Абази, која им посака добредојде и ги охрабри младите да бидат љубопитни и да се интересираат за економските и финансиските процеси кои имаат значајна улога во развојот на општеството. За време на посетата, учениците имаа можност да слушнат  што претставува пазарот на капитал, кои се основните видови хартии од вредност и како функционираат институциите . Преку интерактивна дискусија се запознаа и со значењето на транспарентноста, довербата и со начинот на заштита на инвеститорите.
На крајот од посетата беше организиран и мини-квиз преку кој учениците имаа можност на интересен начин да го проверат знаењето што го стекнаа за време на посетата.
Учениците имаа практичен увид во работата на институцијата и се информираа за предизвиците за понатамошно образование и кариера во областа на економијата, правото и финансиските пазари.,,