Комисијата за хартии од вредност на Република Северна Македонија на 25  мај 2022 година спроведе практична настава за  учениците од III-та година од Средното економско-правно училиште “Арсени Јовков” од Скопје .

Преку едукативна презентација од страна на Стручната служба на КХВ ,  учениците  имаа можност да се запознаат со начинот на функционирање на пазарот на хартии од вредност и за работата на регулаторот.

Спроведувањето на ваква практична настава на учениците им овозможува да се стекнат со одредено работно искуство, што е задолжителен елемент од секој наставен план за квалификација во стручното образование за занимање во нашата земја.

Самиот процес на настава се базира на меѓусебна соработка помеѓу учениците, наставниците и менторите, кој пак е насочен кон примена на претходно акумулираните знаења.

И оваа едукација за учениците се реализираше согласно Меморандумот за соработка склучен помеѓу Комисијата и Средното економско-правно училиште “Арсени Јовков” од Скопје, а на крајот на учениците им беа  доделени  потврди за успешна совладана практична настава.